Plantun de Prouvènço

Pèr coumpara dos planto d'encò nostre

Minuartia sedoides & Panicum barbipulvinatum

Minuartia sedoides

Caryophyllaceae

Nom en français : Minuartie faux orpin.

Descripcioun :
Aquesto lineto trachis sus li roucas e li pelouso de mountagno ounte fai de couissin. Fai de flour souleto sus sa cambo, emé de petalo verdo, primo, pèr li flour mascle alor que li femèu n'an souvènt ges. Li fueio, primo e óupousado an uno guèno d'aperaqui 1 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 2 à 8 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Verdo
Petalo : 5
Ø (o loungour) flour : 3 à 6 mm
Flourido : Estiéu

Sòu : Si
Autour basso e auto : 1600 à 3200 m
Aparado : Noun
Juliet à avoust

Liò : Roucas - Pelouso roucaiouso
Estànci : Subaupen à Aupen
Couroulougi : Ouroufito-Éuroupenco
Ref. sc. : Minuartia sedoides (L.) Hiern, 1899

Mi(-de-ribeirés)

Panicum barbipulvinatum

Poaceae Graminaceae

Noms en français : Panic des rivages, Millet des rivages.

Descripcioun :
Aquéu mi fèr, que nous vèn d'Americo de l'uba, sèmblo proun au mi-prim, Panicum capillare, que se rescontro proun dins lis ermas e li champ à l'autouno. Se n'en destrìo emé sis espigueto de coustat que soun pourtado pèr de pecou courtet (< 3 mm) e que rèston proun proche de la ramo (< 10°). D'un biais generau lis espigueto soun mens aluenchado lis uno dis autro. Apoundèn qu'aquéstis espigueto soun mens grosso e pu fino. Pèr l'ouro es esta vist soulamen dins la valado dóu Rose, mai poudèn pensa qu'aquesto meno vai s'espandi. Coumpara emé lou mi-prim e lis àutri mi se n'avès pas l'usanço.

Usanço :
A bessai li mémis usanço que soun cousin lou mi-prim.